चारचाकीच्या धडकेत एकजण जखमी

कोल्हापूर : लिशा हॉटेल चौकातून टाकाळा रुईकर कॉलनीकडे जाणाऱ्या रस्त्यावर चारचाकीने दिलेल्या धडकेत एकजण गंभीर जखमी झाला. सिद्धार्थ चंद्रकांत शिंदे ( सिद्धार्थ चौक कॉलेज जवळ विचारे माळ) असे जखमीचे नाव आहे. या अपघाताची नोंद शाहूपुरी पोलीस ठाण्यात झाली असून, अज्ञातांविरोधात गुन्हा दाखल करण्यात आला.

पोलिसांकडून मिळालेल्या माहिती अशी, जखमी सिद्धार्थ हे गुरुवारी (दि. ३१) दुपारी सव्वाएकच्या सुमारास दुचाकीवरून लिशा हॉटेलकडून टाकाळा रुईकर कॉलनीकडे जाणाऱ्या रस्त्यावर जात असताना त्यांना चारचाकी चालकाने डावीकडून धडक दिली. यात ते गंभीर जखमी झाले. धडकेनंतर चारचाकी चालक तसाच निघून गेला. याबाबतची फिर्याद जखमी शिंदे यांनी शाहूपुरी पोलीस ठाण्यात दिली आहे. त्यानुसार अज्ञात चारचाकी चालकाविरोधात गुन्हा नोंद झाला.