मनसेमुळे कलाकारांना संधी : परदेशी

हुपरी (ता. हातकणंगले) येथे महाराष्ट्र नवनिर्माण सेना हातकणंगले तालुका, हुपरी शहर व नगरसेवक दौलतराव पाटील यांच्यावतीने आयोजित रक्तदान शिबिर व मनसे चित्रपट कर्मचारी सेना कार्यकर्ते प्रवेश समारंभामध्ये ते बोलत होते. अध्यक्षस्थानी जिल्हाध्यक्ष गजानन जाधव होते. या वेळी रक्तदान शिबिरास उत्स्फूर्त प्रतिसाद मिळाला. या वेळी हुपरी, कुंभोज, रेंदाळ व यळगूड या येथील पदाधिकाऱ्यांच्या निवडी जाहीर करण्यात आल्या. तसेच कोल्हापूर जिल्ह्यातील विविध ठिकाणच्या अनेक चित्रपट व नाट्य कलाकारांनी या वेळी मनसे चित्रपट सेनेत प्रवेश केला. सर्व नूतन पदाधिकारी व मनसे चित्रपट कर्मचारी सेना कार्यकर्ते यांचा प्रमुख पाहुण्यांच्या हस्ते सत्कार करण्यात आला.

या वेळी नगरसेवक दौलतराव पाटील, जिल्हाध्यक्ष गजानन जाधव, नीलेश जाधव, मनोहर जोशी, शहाजी भोसले, रवि गोंदकर, मोहन मेथे, प्रताप पाटील, सचिन सुतार, गणेश मालवेकर, उमाजी पाटील, चंद्रकांत भुजुगडे, रवि आडके, रवि जाधव, पद्माकर चौगुले, नागेश कौंदाडे, संभाजी बोधे, प्रशांत पाटील, संजय पाटील, महेश माळी, गुरुप्रसाद पाटील, सागर पाटील आदी या वेळी उपस्थित होते. महादेव पाटील यांनी स्वागत केले. प्रास्ताविक महेश माळी यांनी केले. आभार धनंजय खाडे यांनी मानले.

फोटो ओळी-हुपरी (ता. हातकणंगले) शहर मनसेच्यावतीने आयोजित रक्तदान शिबिरावेळी उपस्थित चित्रपट अभिनेते रमेश परदेशी यांचा सत्कार करण्यात आला. या वेळी नगरसेवक दौलतराव पाटील, गजानन जाधव, मनोहर जोशी आदी उपस्थित होते.