नरेवाडीजवळ बेळगाव-वेंगुर्ला रस्त्यावर खड्डा

चंदगड :

नरेवाडी (ता. चंदगड) येथे बेळगाव-वेंगुर्ला मार्गावर धोकादायक खड्डा पडला आहे. त्यामुळे अनेक किरकोळ अपघात होत असतानाही सार्वजनिक बांधकाम विभाग मोठ्या अपघाताची प्रतीक्षा करत आहे का? असा सवाल प्रवासीवर्गांतून उपस्थित केला जात आहे.

बेळगाव-वेंगुर्ला मार्गावर नरेवाडीजवळ पावसामुळे मोठा खड्डा पडला आहे. तो खड्डा एकदम वळणावरच असल्याने दुचाकी व चारचाकी चालकांना अचानक या खड्डयामुळे नाहक त्रास सहन करावा लागत आहे. अचानक लावलेल्या ब्रेकमुळे लहान-सहान अपघात होत आहेत. दुचाकीवरून पडणे, दुचाकी पंक्चर होण्याच्या घटनांमध्ये वाढ झाली आहे. त्यामुळे दुचाकी व चारचाकीच्या वाहनचालकांमधून संताप व्यक्त होत आहे. त्यामुळे सार्वजनिक बांधकाम खात्याने तातडीने हा जीवघेणा खड्डा त्वरित दुरुस्त करावा, तसेच बेळगाव-वेंगुर्ला मार्गावरील इतर ठिकाणचेही खड्डे भरावेत.

चौकट :

मोठ्या अपघाताची प्रतीक्षा का?

नरेवाडीजवळ पडलेल्या या खड्डयामुळे सुदैवाने मोठा अपघात झाला नाही. मात्र, एवढ्या मोठ्या खड्डयाकडे सार्वजनिक बांधकाम खाते कानाडोळा करत आहे. मोठ्या अपघातानंतरच या खात्याला जाग येणार का ? अशी विचारणा होत आहे.

फोटो ओळी : बेळगाव-वेंगुर्ला मार्गावर नरेवाडीजवळ याच जीवघेण्या खड्डयामुळे अपघात होत आहेत.

क्रमांक : २१०८२०२१-गड-०४