ऊसतोड मजुरांना प्रकाश घुंगूरकर यांच्याकडून ‘मायेची ऊब’

लोकमत न्यूज नेटवर्क

कोल्हापूर : जीवनधारा ब्लड बँकेचे अध्यक्ष, कोल्हापूर जिल्हा ब्लड बँक असोसिएशनचे अध्यक्ष प्रकाश घुंगूरकर यांनी वाढदिवसानिमित्त कुष्ठरुग्ण व ऊसतोड मजुरांना ब्लँकेट, स्वेटरचे वाटप केले.

प्रकाश घुंगूरकर हे नेहमीच सामाजिक कामात अग्रेसर असतात. ‘सायकल रिसायकल’ उपक्रमातून त्यांनी डोंगरकपाऱ्यात व वाड्या-वस्त्यांवरून पायपीट करणाऱ्या विद्यार्थ्यांना सायकलचे वाटप केले आहे. तसेच अतिवृष्टी, महापुरात घराची पडझड झालेल्या कुटुंबांना आर्थिक व जीवनावश्यक वस्तूंची मदतही केली आहे. यावर्षी वाढदिवसानिमित्त त्यांनी कुष्ठरुग्ण व ऊसतोड मजुरांना ब्लँकेट, स्वेटरचे वाटप केले. विशेष म्हणजे ऊसाच्या फडात जाऊन मजुरांना ब्लँकेट व स्वेटर वाटून ‘मायेची ऊब’ दिल्याने मजूर भारावून गेले होते.

फोटो ओळी : कोल्हापूर जिल्हा ब्लड बँक असोसिएशनचे अध्यक्ष प्रकाश घुंगूरकर यांनी वाढदिवसानिमित्त ऊसतोड मजुरांना थेट शेतात जाऊन ब्लँकेट, स्वेटरचे वाटप केले. (फोटो-०१०१२०२१-कोल-प्रकाश घुंगूरकर)