सभासदांच्या पाठबळावरच संस्थेची प्रगती :

जयसिंगपूर : साने गुरुजी प्राथमिक शिक्षक पतसंस्थेने स्वच्छ व पारदर्शक कारभार करून सभासदांची विश्वासार्हता जपली आहे. संस्थेचे पारदर्शी कामकाज पाहता, सर्व सभासद व ग्राहक यांच्या पाठबळ आणि विश्वासावरच संस्था प्रगतिपथावर आहे. संस्थेने लेखापरीक्षणाचा अ वर्ग मिळविला असून, आर्थिक वर्षात ४० लाख ५ हजार इतका नफा झाला आहे, अशी माहिती संस्थेचे अध्यक्ष अरविंद मजलेकर यांनी दिली.

साने गुरुजी प्राथमिक शिक्षक सहकारी पतसंस्थेची २७ वी वार्षिक सभा कोरोनाचे नियम पाळून पार पडली. यावेळी दोन सेफ डिपॉझिट लॉकरचे उद्घाटन संचालक राजगोंडा हुलिकिरे व संपत काळी यांच्या हस्ते झाले.

यावेळी रविकुमार पाटील, दिलीप पाटील, सुनील एडके, मनोज रणदिवे, संतोष जुगळे, विलास तोडकर, सुरेश पाटील, शिवाजी ठोंबरे, डॉ. शंकर कुंभार, विजय भोसले, रियाज बाणदार, महंमदहनीफ मुल्ला, सागर खोत, प्रिया कोले, अंजना ढेपे यांनी मनोगत व्यक्त केले. संस्थेचे उपाध्यक्ष मधुकर काळेल यांनी स्वागत केले. मनीषा पाटील यांनी विषयवाचन केले. सुरेखा कुंभार यांनी सूत्रसंचालन केले. सभेस संचालक व सभासद उपस्थित होते. राजगोंडा हुलिकिरे यांनी आभार मानले.

फोटो - १२०३२०२१-जेएवाय-०३

फोटो ओळ - जयसिंगपूर येथे साने गुरुजी शिक्षक पतसंस्थेच्या वार्षिक सभेत अरविंद मजलेकर यांनी मार्गदर्शन केले.