उत्पादकांचे हित जोपासा - सतेज पाटील

लोकमत न्यूज नेटवर्क

कोल्हापूर : अध्यक्षपदाचा अनुभव पणास लावून सर्व संचालकांना सोबत घेऊन दूध उत्पादकांचे हित जोपासा, असे आवाहन पालकमंत्री सतेज पाटील यांनी केले.

‘गोकुळ’चे अध्यक्ष विश्वास पाटील यांनी निवडीनंतर अंजिक्यतारा कार्यालयात जाऊन पालकमंत्री पाटील यांची भेट घेऊन कृतज्ञता व्यक्त केली. यावेळी बोलताना मंत्री पाटील म्हणाले, दूध उत्पादक सभासदांनी आपल्यावर विश्वास ठेवून ‘गोकुळ’मध्ये सत्तांतर घडवले. उत्पादकांना दिलेल्या आश्वासनाची पूर्तता करण्यासाठी सर्वांना सोबत घेऊन काम करा. दूध उत्पादक केंद्रबिंदू ठेवूनच काटकसरीने कारभार करावा, अशी सूचनाही त्यांनी केली. मंत्री पाटील यांच्याहस्ते अध्यक्ष पाटील यांचा सत्कार केला. यावेळी डॉ. डी. वाय. पाटील शिक्षण संस्थेचे अध्यक्ष संजय पाटील, संचालक बाबासाहेब चौगले, वीरशैव बँकेचे अध्यक्ष अनिल सोलापूरे उपस्थित होते.

फोटो ओळी : ‘गोकुळ’चे नूतन अध्यक्ष विश्वास पाटील यांनी शुक्रवारी दुपारी अजिंक्यतारा कार्यालयात जाऊन पाकलमंत्री सतेज पाटील यांची भेट घेऊन कृतज्ञता व्यक्त केली. यावेळी डॉ. डी. वाय. पाटील शिक्षण संस्थेचे अध्यक्ष संजय पाटील उपस्थित होते. (फोटो-१४०५२०२१-कोल-सतेज पाटील)