कुरुंदवाड येथे आंबेडकर चौकात निदर्शने

कुरुंदवाड येथे आंबेडकर चौकात निदर्शने

* माळवाडी व सोनाळी घटनेचा निषेध

कुरुंदवाड : माळवाडी बोरगांव (ता. माळशिरस, जि. सोलापूर) येथे मातंग समाजातील व्यक्तीच्या मृत्यूनंतर गावातील काही समाजकंटकांनी अंत्यविधीला विरोध करत दहशत माजविण्याचा प्रयत्न केला. याच्या निषेधार्थ शहरातील दलित समाजाच्या वतीने येथील आंबेडकर चौकात निदर्शने करण्यात आली. अशा समाजकंटकांवर कायदेशीर कारवाई करावी, अशी मागणी करत प्रचंड घोषणाबाजी करण्यात आली, तसेच सोनाळी (ता. कागल) येथील लहान मुलाच्या खून प्रकरणातील आरोपीवर कायदेशीर कारवाई करावी, अशी मागणी केली.

यावेळी माजी नगरसेवक राजू आवळे, सुनील कुरुंदवाडे यांनी भाषणे केली. आंदोलनात प्रा. रणजित आवळे, जय कडाळे, शशिकांत तोबरे, धम्मपाल ढाले, शाहीर आवळे, महावीर आवळे, सुरेश कांबळे, आरशाद बागवान, सुशांत सनदी, आप्पासो बंडगर, राजू बेले, अवधूत बिरंजे यांच्यासह समाजबांधव उपस्थित होते.

फोटो - २२०८२०२१-जेएवाय-०७

फोटो ओळ - माळवाडी बोरगांव (जि. सोलापूर) व सोनाळी (ता. कागल) घटनेच्या निषेधार्थ डॉ. आंबेडकर चौकात निदर्शने करण्यात आली. यावेळी राजू आवळे, सुनील कुरुंदवाडे यांच्यासह समाजबांधव उपस्थित होते.