पैशाचे पाकीट प्रामाणिकपणे परत

कोल्हापूर : राजारामपुरी ते सायबर चौक या रस्त्यावर सापडलेले पैसे असलेले पाकीट महिला व तरुणाने राजारामपुरी पोलीस ठाण्यात प्रामाणिकपणे परत केले. सविता विजय कदम व धीरज कारंडे, अशी त्यांची नावे आहेत. या दोघांच्या प्रामाणिकपणाबद्दल शुक्रवारी राजारामपुरी पोलिसांनी पुष्पगुच्छ देऊन त्यांचा सन्मान केला. सापडलेले पाकीट मूळ मालकाला परत देण्यात आले.

राजारामपुरी परिसरात राहणाऱ्या सविता कदम व धीरज कारंडे हे गुरुवारी सायंकाळी राजारामपुरी ते सायबर चौक या मार्गावरून चालत जात होते. त्यावेळी पंत मंदिराजवळील एटीएम सेंटरजवळ त्यांना ७ हजार रुपयांची रोकड असलेले पाकीट सापडले. हे पाकीट त्या दोघांनी राजारामपुरी पोलीस ठाण्यातील सहायक पोलीस निरीक्षक भगवान शिंदे यांच्याकडे आणून दिले. त्यांनी ओळख पटवून ते संबंधितांना परत दिले.

फोटो : १४०५२०२१-कोल-राजारामपुरी

ओळी : राजारामपुरी पोलीस ठाण्यात शुक्रवारी प्रामाणिकपणे सात हजार रुपयांची रोकड असलेले पाकीट सविता कदम व धीरज कारंडे यांनी मूळ मालकाला परत केले.