किर्लोस्कर ऑईल इंजिन्सतर्फे रस्ता सुरक्षा; वाहतूक जागृती कार्यक्रम
By लोकमत न्यूज नेटवर्क | Published: February 8, 2021 04:21 AM2021-02-08T04:21:11+5:302021-02-08T04:21:11+5:30
उचगाव : राष्ट्रीय रस्ता सुरक्षा अभियानअंतर्गत किर्लोस्कर ऑईल इंजिन्स लि. आणि उजळाईवाडी महामार्ग पोलीस मदत केंद्र यांच्या ...
उचगाव : राष्ट्रीय रस्ता सुरक्षा अभियानअंतर्गत किर्लोस्कर ऑईल इंजिन्स लि. आणि उजळाईवाडी महामार्ग पोलीस मदत केंद्र यांच्या संयुक्त विद्यमाने रस्ता सुरक्षा जाणीवजागृती कार्यक्रम घेण्यात आला.
किर्लोस्कर ऑईल इंजिन प्रा.लि. या कंपनीच्यावतीने दरवर्षी सामाजिक बांधिलकी डोळ्यासमोर ठेवून विविधांगी उपक्रम राबविण्यात येतात. उजळाईवाडी येथे झालेल्या उपक्रमामध्ये सीटबेल्ट वापरणाऱ्या चारचाकी धारकांना आणि हेल्मेट वापरणाऱ्या दुचाकीस्वारांना कॅडबरी आणि अभिनंदनपर कार्ड देऊन गौरविण्यात आले. कार्यक्रमास महामार्ग पोलीस मदत केंद्राचे पोलीस उपनिरीक्षक सुरेश नलावडे, राहूल देसाई तसेच किर्लोस्कर कंपनीचे मिलिंद जाधव, शरद आजगेकर, श्रीकांत सिंग, अमित कुलकर्णी, स्वप्नील सौदे उपस्थित होते.
फोटो:किर्लोस्कर ऑईल इंजिन प्रा.लि. या कंपनीच्यावतीने रस्ता सुरक्षा अभियानप्रसंगी सहाय्यक पोलीस निरीक्षक जगनाथ जानकर, सुरेश नलवडे, किर्लोस्कर कंपनीचे मिलिंद जाधव, शरद आजगेकर, श्रीकांत सिंग, अमित कुलकर्णी, स्वप्नील सौदे आदी उपस्थित होते.