‘लोकमत’ दिवाळी बालउत्सव स्पर्धेत समृद्धी बोडरंगेची बाजी;

कोल्हापूर : दिवाळीच्या आनंदाबरोबरच सुटीत नवे काहीतरी शिकण्याची संधी म्हणून ‘लोकमत’ बाल विकास मंच व ‘अमेझ’तर्फे पाचदिवसीय दिवाळी बाल उत्सवाचे ऑनलाईन पद्धतीने आयोजन केेले होते. यावर आधारित घेण्यात आलेल्या स्पर्धेत माणगाव (जि. रायगड) येथील समृद्धी नितीन बोडरंगे हिने प्रथम क्रमांक पटकावला.

मुलांचे मनोरंजन आणि अंगभूत कलांचा विकास व्हावा, या उद्देशाने दिनांक ८ ते १२ नोव्हेंबरदरम्यान ही कार्यशाळा घेण्यात आली होती. यामध्ये आकाशकंदील ग्रीटिंग्ज, रांगोळी, पणत्या बनविण्याचे प्रशिक्षण, म्युझिकल योगा, झुंबा डान्स, फिटनेस आदींचे धडे देण्यात आले होते. ऑनलाईन पद्धतीने झालेल्या या स्पर्धेत समृद्धी बोडरंगे हिने प्रथम क्रमांक मिळवला.

या स्पर्धेत सुहानी परशुराम राऊत, (गुलमोहर काॅलनी, पोडगाव रोड, वडूज, ता. खटाव, जि. सातारा) हिने द्वितीय, तर श्रीराज सचिन तोडकर (रा. शनिवार पेठ, अशोक चौक, कऱ्हाड, जि. सातारा) याने तृतीय, निहारिका श्रीपाद शिंदे (रा. श्रीपाद बंगला, मिरज हायस्कूल रोड, मिरज) हिने चौथा तर श्वेता वीज रानभरे (रा. गुरुवार पेठ, कासार गल्ली, सातारा ) हिने पाचवा क्रमांक मिळवला.

(३०१२२०२०-कोल-दिवाळी बाल उत्सव )चा लोगो वापरणे