बारा तालुक्यांच्या ईव्हीएम मशीनचे सील
By लोकमत न्यूज नेटवर्क | Published: January 11, 2021 07:34 PM2021-01-11T19:34:32+5:302021-01-11T19:36:37+5:30
gram panchayat Election Kolhapur- कोल्हापूर जिल्ह्यातील ३८६ ग्रामपंचायत निवडणुकीसाठी वापरले जाणारे ईव्हीएम मशीन सील करण्याची प्रक्रिया सोमवारी संपली. रविवारी दहा तालुक्यांचे व सोमवारी हातकणंगले व आजरा या दोन तालुक्यांचे मशीन सील करण्यात आले.
ग्रामपंचायत निवडणुकीची तयारी म्हणून सोमवारी हातकणंगले तालुक्यातील ईव्हीएम मशीनला प्रशासनाकडून सील करण्यात आले.
कोल्हापूर : जिल्ह्यातील ३८६ ग्रामपंचायत निवडणुकीसाठी वापरले जाणारे ईव्हीएम मशीन सील करण्याची प्रक्रिया सोमवारी संपली. रविवारी दहा तालुक्यांचे व सोमवारी हातकणंगले व आजरा या दोन तालुक्यांचे मशीन सील करण्यात आले.
जिल्ह्यातील ४३३ पैकी ४७ ग्रामपंचायती बिनविरोध निवडून आल्याने सध्या ३८६ ग्रामपंचायतींसाठी १५ जानेवारीला मतदान होत आहे. त्यासाठी ७ हजार ६५७ उमेदवार रिंगणात आहेत. या निवडणुकीसाठी रविवारी जिल्ह्यातील दहा तालुक्यांसाठीच्या ईव्हीएम मशीनची तपासणी करून सील करण्यात आले.
ही तपासणी उमेदवार व त्यांच्या प्रतिनिधींसमोर केली जाते. खराब व तांत्रिक बिघाड झालेल्या मशीन बाजूला काढण्यात आल्या. सोमवारी दिवसभर हातकणंगले आणि आजरा या दोन तालुक्यांच्या ईव्हीएम मशीनची तपासणी व सील करण्याची प्रक्रिया सुरू होती. अशा रीतीने बाराही तालुक्यांसाठीचे मशीन सील करण्याचे काम संपले आहे. मतदानाच्या आदल्या दिवशी साहित्याचे वाटप करण्यात येणार आहे.
