शंकर धोंडी पाटील जयंती

कसबा तारळे :

संपूर्ण आयुष्य दीनदलित, उपेक्षित, कष्टकरी, धरणग्रस्त, डंगे धनगर यांच्यासाठी खर्ची घालणारे लोकनेते माजी आमदार शंकर धोंडी पाटील यांचे कार्य सर्वकाळ समाजासाठी आदर्शवत राहील असे उद्गार भोगावती सहकारी साखर कारखान्याचे उपाध्यक्ष उदयसिंह पाटील-कौलवकर यांनी व्यक्त केले.

राधानगरी भुदरगडचे जनता दलाचे माजी आमदार लोकनेते दिवंगत शंकर धोंडी पाटील यांच्या ९८ व्या जयंतीनिमित्त आयोजित कार्यक्रमाप्रसंगी ते बोलत होते. कोरोनाच्या पार्श्वभूमीवर सर्व नियमांचे काटेकोरपणे पालन करून जयंती साध्या पद्धतीने साजरी करण्यात आली.

प्रारंभी कंथेवाडी (ता राधानगरी) येथे शंकर धोंडी पाटील माध्यमिक विद्यालयाच्या आवारातील शंकर धोंडी पाटील यांच्या पूर्णाकृती पुतळ्याचे पूजन उदयसिंह पाटील -कौलवकर यांच्या हस्ते झाले. यावेळी बिद्रीचे माजी उपाध्यक्ष विठ्ठलराव खोराटे,संस्थापक व भोगावतीचे माजी संचालक वसंतराव पाटील , एकनाथ पाटील,अभिषेक डोंगळे,बंडोपंत किरुळकर यांच्या हस्ते पुष्पहार अर्पण करण्यात आले.

मुख्याध्यापक बी. जी पाटील यांनी स्वागत तर वसंतराव पाटील यांनी प्रास्ताविक केले. यावेळी पं.स.माजी सभापती वंदना पाटील, सरपंच जया पाटील ,राजाराम पाटील,अर्जुन सुतार,टी.एल. किल्लेदार, बी.आर.कुणकेकर,एस. एस. पाटील,सी बी मोरे एस.आय.मणेर,के.डी.पाटील,बी.एम.वडार,शाम चौगले,कृष्णात रहाटवळ आदी उपस्थित होते. सूत्रसंचालन टी एल किल्लेदार यांनी केले.

--------------------- सोबत फोटो ----------------------------

फोटो कॅप्शन--शंकर धोंडी पाटील यांच्या पूर्णाकृती पुतळ्याचे पूजन व पुष्पहार अर्पण करताना उदयसिंह पाटील,वसंतराव पाटील, राजाराम पाटील,वंदना पाटील, अभिजित पाटील,बी.जी.पाटील,बंडोपंत पाटील आदी.