कोपार्डेच्या सरपंचपदी शारदा पाटील

कोपार्डे : कोपार्डे (ता. करवीर) येथील सरपंचपदी शारदा नामदेव पाटील, तर उपसरपंचपदी सरदार रघुनाथ जामदार यांची बिनविरोध निवड करण्यात आली. निवड सभेच्या अध्यक्षस्थानी जी. डी. नलवडे होते. निवडणुकीत एस. के. पाटील व नामदेव पाटील यांच्या काँग्रेसप्रणीत हनुमान विकास आघाडीला तेरापैकी आठ जागा मिळाल्या होत्या. सरपंचपद नागरिकांचा मागास प्रवर्गसाठी आरक्षित झाले होते. त्यासाठी शारदा नामदेव पाटील यांचे नाव लक्ष्मण वसंत कांबळे, तर उपसरपंचपदी सरदार रघुनाथ जामदार यांचे नाव मेघा कृष्णात पाटील यांनी सुचविले. दोन्ही पदांसाठी एक एकच अर्ज आल्याने निवडणूक अधिकारी नलवडे यांनी बिनविरोध निवड जाहीर केली.

यावेळी मेघा पाटील, प्रगती पाटील, सविता पाटील, मंगल कांबळे, विलास पाटील, लक्ष्मण कांबळे, धनाजी पाटील, मिताली पाटील, मनीषा पाटील, साऊताई पाटील हे नूतन सदस्य उपस्थित होते. ग्रामविस्तार अधिकारी महेश पाटील यांनी नवनिर्वाचित सरपंच-उपसरपंच व सदस्यांचे स्वागत केले. यावेळी तलाठी एस. बी. भोसले यांनी आभार मानले.

फोटो २६शारदा पाटील (सरपंच)

२६सरदार पाटील (उपसरपंच)