शियेतील पुनर्वसन, अतिक्रमणाचा प्रश्न सोडवा
By लोकमत न्यूज नेटवर्क | Published: August 15, 2021 04:25 AM2021-08-15T04:25:44+5:302021-08-15T04:25:44+5:30
शिये : शिये येथील पुनर्वसन आणि अतिक्रमणाचा प्रश्न सोडवा अशी मागणी शियेतील सर्वपक्षीय समितीने पालकमंत्री सतेज पाटील ...
शिये
: शिये येथील पुनर्वसन आणि अतिक्रमणाचा प्रश्न सोडवा अशी मागणी शियेतील सर्वपक्षीय समितीने पालकमंत्री सतेज पाटील यांच्याकडे केली. यावर पाटील यांनी सोमवारी गावातील सर्वपक्षीय समिती व शेतकरी संघटनेचे पदाधिकारी यांच्यासमवेत करवीरचे प्रांताधिकारी वैभव नावडकर यांना बैठक घेण्यास लावून हा प्रश्न सोडवण्यात येईल, असे आश्वासन दिले. सतेज पाटील यांनी सध्या असलेले अतिक्रमण काढता येत नाही. गावात सरकारी जागा असल्यास त्याठिकाणी पुनर्वसन संदर्भात ठराव करून द्या. राज्य सरकार पुनर्वसनसाठी सकारात्मक असल्याचे सांगितले. यावेळी सरपंच रेखा जाधव, माजी जिल्हा परिषद सदस्य बाजीराव पाटील, माजी पंचायत समिती सदस्य जयसिंग काशीद, विकास चौगले, जयसिंग पाटील, शहाजी तासगावकर, ग्रामपंचायत सदस्य कृष्णात चौगुले, विलास गुरव, प्रभाकर काशीद, हंबीरराव कोळी, तेजस्विनी पाटील, मंगल कांबळे उपस्थित होते.
फोटो : १४ शिये निवेदन
शियेतील सर्वपक्षीय लोकप्रतिनिधींकडून पालकमंत्री सतेज पाटील यांना निवेदन देण्यात आले. यावेळी सरपंच रेखा जाधव, बाजीराव पाटील, जयसिंग काशीद उपस्थित होते.