जिल्हा परिषदेतील शिवसेना पदाधिकाऱ्यांनी राजीनामे द्यावेत - हसन मुश्रीफ

Zp HasanMusrif Kolhapur : कोल्हापूर जिल्हा परिषदेमधील पदाधिकारी बदल केला जाणार आहे; मात्र शिवसेनेच्या पदाधिकाऱ्यांचे राजीनामे झालेले नाहीत. माझी सगळ्यांना विनंती आहे, त्यांनी ठरल्याप्रमाणे राजीनामे द्यावे, असे आवाहन ग्रामविकासमंत्री हसन मुश्रीफ यांनी शुक्रवारी पत्रकार परिषदेत केले.

ठळक मुद्देजिल्हा परिषदेतील शिवसेना पदाधिकाऱ्यांनी राजीनामे द्यावेत ग्रामविकासमंत्री हसन मुश्रीफ यांनी केले पत्रकार परिषदेत आवाहन

कोल्हापूर : जिल्हा परिषदेमधील पदाधिकारी बदल केला जाणार आहे; मात्र शिवसेनेच्या पदाधिकाऱ्यांचे राजीनामे झालेले नाहीत. माझी सगळ्यांना विनंती आहे, त्यांनी ठरल्याप्रमाणे राजीनामे द्यावे, असे आवाहन ग्रामविकासमंत्री हसन मुश्रीफ यांनी शुक्रवारी पत्रकार परिषदेत केले.

जिल्हा परिषदेमधील पदाधिकारी बदलाबाबत पालकमंत्री सतेज पाटील यांनी जबाबदारी घेतली आहे. याबाबत शिष्टमंडळ भेटत आहेत; मात्र शिवसेनेचे पदाधिकारी राजीनामा देण्यास विलंब करत असल्याचे समजले. त्यांना माझी विनंती आहे, तुम्हाला संधी देताना इतरांना थांबावे लागले होते. आता पदे भोगली आहेत, ठरल्याप्रमाणे राजीनामा दिले पाहिजेत. ग्रामविकास विभागाच्यावतीने निधी देताना आपण कधीही दुजाभाव केलेला नाही. प्रचंड कामे केल्याने पदाधिकाऱ्यांनी समाधानाने राजीनामे द्यावेत, असे मंत्री मुश्रीफ यांनी सांगितले.