संक्षिप्त वृत्त

यड्राव : येथील साळुंखे घर ते गोखले मळा मार्गावर रस्ता डांबरीकरणाचा प्रारंभ ग्रा. पं. सदस्या वैशाली काळगे यांच्या हस्ते करण्यात आला. जिल्हा परिषद फंडातून या रस्त्याचे काम सुरू आहे. याप्रसंगी जि. प. सदस्य राजवर्धन नाईक-निंबाळकर, प्रदीप सांबरे, ग्रा. प. सदस्य हरिष नाईक, प्रदीप पाटील, सदाशिव कोरवी यांच्यासह मान्यवर उपस्थित होते.

-----------------------

यड्रावमध्ये विविध कार्यक्रम

यड्राव : येथील आण्णाभाऊ साठे युवक मंडळाच्यावतीने आण्णा चौक वर्धापन दिनानिमित्त विविध कार्यक्रम करण्यात आले. चौकाचा वर्धापन दिन उत्साहात साजरा करण्यात आला. याप्रसंगी मंडळाच्या नामफलकाचे अनावरण जि. प. सदस्य राजवर्धन नाईक-निंबाळकर यांच्या हस्ते करण्यात आले. ग्रा. प. सदस्य हरिष नाईक यांनी चर्चसाठी प्लास्टिकच्या खुर्च्या व वाचनालयासाठी पुस्तके भेट दिली. यावेळी प्रदीप सांबरे, सदाशिव कोरवी, मिथुन बिरंजे, सारंग काकडे, प्रदीप पाटील, वैशाली काळगे, नितीन हेगडे उपस्थित होते. स्वागत संदीप माने यांनी केले.

--------------------

गणेशवाडी-कागवाड रस्त्याची दुरवस्था

बुबनाळ : गणेशवाडी-कागवाड रस्त्याची मोठी दुरवस्था झाली आहे. कर्नाटक-महाराष्ट्र राज्याला जोडणारा मुख्य मार्ग असल्याने या मार्गावरून मोठी वाहतूक होत असते. मात्र, खराब रस्त्यामुळे वाहनधारकांना मोठी कसरत करावी लागत आहे. त्यामुळे या रस्त्याची लवकरात लवकर दुरुस्ती करावी, अशी मागणी होत आहे.