संक्षिप्त वृत्त

कोल्हापूर : कोरोनाच्या संसर्गामुळे कसबा सांगाव (ता. कागल) वाकी वसाहत येथील वाकोबा, भुतोबा, लिंगोबा देवाची यात्रा (माही) रद्द करण्यात आली आहे. वाकनाथ भूतनाथ देवस्थान ट्रस्टने ही माहिती दिली. वाकी ही सांगाव येथील राधानगरीतील धरणग्रस्तांंची पुनर्वसित वसाहत आहे. यात्रा रद्द झाल्याचे अध्यक्ष शंकर पाटील यांनी कळवले आहे.

महिला दिनानिमित्त एकटी संस्थेतर्फे आज कॅन्सर तपासणी

कोल्हापूर: सोमवारी साजऱ्या होत असलेल्या महिला दिनाचे औचित्य साधून निराधार व बेघर महिलांकरिता काम करणाऱ्या एकटी या संस्थेने विविध उपक्रमांचे आयोजन केले आहे. यात आज शनिवारी व उद्या रविवारी कोल्हापूर कॅन्सर सेंटरतर्फे मोफत कॅन्सर तपासणी शिबिर होत आहे. साेमवारी बेघर निवाऱ्यातील महिलांचा मेळावा होणार आहे. निवाऱ्यात राहून आर्थिकदृष्ट्या स्वावलंबी झालेल्या महिलांचा सत्कार होणार आहे. याचदिवशी राजारामपुरीत सुका कचरा संकलन व प्रभाग निर्मिती उपक्रमही सुरू होणार आहे. मंगळवारी मनोरुग्ण बेघरांच्या प्रश्नाबाबत जिल्हाधिकाऱ्यांशी चर्चा आणि नागाळा पार्क परिसरात रद्द संकलनास सुरुवात होणार आहे.