फुलेवाडीत तीनपानी जुगार खेळणारे सहाजण अटक

कोल्हापूर : फुलेवाडी पहिला बसस्टॉप येेथे उघड्यावर तीनपानी पत्त्यांचा जुगार खेळणाऱ्या सहाजणांना जुना राजवाडा पोलिसांनी अटक केली. त्यांच्याकडून रोकडसह ९८५० रुपयांचा मुद्देमाल जप्त केला. ही कारवाई रविवारी सायंकाळी केली.

अटक केलेल्यांची नावे अशी : तानाजी शामराव मोटे (वय ४२), राजू गुंडाप्पा पाटील (४५), मानसिंग बाबाजी संकपाळ (३८, सर्व रा. फुलेवाडी), रमेश नवनाथ पाटील (४१, रा. दुधाळी), गुरुनाथ मनोहर सुतार (३१, रा. शिंगणापूर कमानीनजीक), अमर बाळकृष्ण कदम (२८, रा. गणेशनगर, चंबुखडी, ता. करवीर).

पोलिसांनी दिलेली माहिती अशी की, फुलेवाडी पहिला बसस्टाॅप येथे घाण्याशेजारी उघड्यावर काहीजण एकत्र येऊन पत्त्यांच्या भारी पानांवर, चढाओढीने पैसे लावून तीनपानी पत्त्यांचा जुगार खेळत असल्याची माहिती पोलिसांना मिळाली. त्यावेळी पोलिसांनी तेथे छापा टाकून सहाजणांना अटक केली. त्यांच्याकडून रोख १८५० रुपये, दोन मोबाईल संच असा सुमारे ९,८५० रुपये किमतीचा मुद्देमाल मिळून आला. अटक केलेल्यांवर महाराष्ट्र जुगार कायदा कलमाद्वारे गुन्हा नोंद केला आहे.