शैक्षणिक क्षेत्रातील सर्व प्रलंबित प्रश्‍न सोडवू

प्रा. जयंत आसगावकर

इचलकरंजी : शिक्षणसंस्था चालक, शिक्षक आणि शिक्षकेतर कर्मचार्‍यांसह शैक्षणिक क्षेत्रातील सर्व प्रलंबित प्रश्‍न महाविकास आघाडी सरकारच्या माध्यमातून निश्‍चित सोडवून विश्‍वास सार्थ ठरवू, अशी ग्वाही शिक्षक मतदार संघाचे आमदार प्रा. जयंत आसगावकर यांनी दिली.

पुणे विभागाचे शिक्षक आमदार आसगावकर यांचा येथील श्रीमती गंगामार्स गर्ल्स हायस्कूल येथे नागरी सत्कार करण्यात आला. यावेळी ते बोलत होते. यावेळी शिक्षण संस्थाचालक संघाचे अध्यक्ष धोंडीराम कस्तुरे यांच्याहस्ते आमदार आसगावकर यांचा सत्कार करण्यात आला. यावेळी शिक्षक, संस्थाचालक यांच्याविषयी अनेकजणांनी समस्या मांडल्या. यावेळी या सर्व प्रश्‍नांची सोडवणूक करून न्याय देऊ, अशी ग्वाही आमदार आसगावकर यांनी दिली. यावेळी कोजिमाशि संस्थेचे अध्यक्ष दादासाहेब लाड, सपना आवाडे, मुख्याध्यापिका सुप्रिया गोंदकर, हरिष बोहरा, मदन कारंडे, अमरसिंह माने, अरुण खंजिरे, धोंडिराम शिरगावे, संभाजी खोचरे, सदाशिव लोकरे, सुधाकर मणेरे, पदमावती पाटील, डी. बी. टारे, प्रा. शेखर शहा, प्रा. संजय परीट उपस्थित होते.