आईचा क्रूरपणे खून केल्याप्रकरणी मुलगा दोषी

कोल्हापूर : कावळानाका परिसरातील वसाहतीमध्ये दारू पिण्यास पैसे दिले नाहीत. या कारणावरून स्वत:च्या आईचा चाकू, सुरा व सत्तुराने क्रूरपणे खून केला. या प्रकरणी संशयित सुनील रामा कुचकोरवी यास शुक्रवारी जिल्हा व सत्र न्यायाधीश-४ यांनी दोषी ठरवले. मंगळवारी (दि.६) शिक्षेविषयी सुनावणी होणार आहे.

शाहूपुरी पोलीस ठाण्याच्या हद्दीतील कावळा नाका परिसरातील अग्निशामक केंद्राच्या मागील वसाहतीमध्ये २८ ऑगस्ट २०१७ रोजी दुपारी दोनच्या सुमारास संशयित सुनील याने आपली आई यल्लवा रामा कुचकोरवी (वय ६२) हिला दारू पिण्यास पैसे देत नाही. याकारणावरून चाकू, सुरी, सत्तूर अशा प्राणघातक हत्यारांनी तिच्या शरीराची उजवी बाजू पूर्णपणे कापून त्यातील अवयव खाण्याच्या उद्देशाने तेलचटणी मीठ लावून व किचन कट्ट्यावर ठेवले होते. अशा स्थितीत चाहूल लागल्यानंतर पळून जाण्याच्या तयारीत असता लोकांनी पकडून पोलिसांच्या ताब्यात दिले. पोलिसांनी तपास करून न्यायालयात संशयिताविरोधात दोषारोपपत्र दाखल केले. सरकारी पक्षातर्फे ॲड. विवेक शुक्ल यांनी काम पाहिले. याप्रकरणी १२ साक्षीदार तपासले. कोणताही प्रत्यक्षदर्शी साक्षीदार नसताना परिस्थितजन्य पुराव्यावरून न्यायालयाने मयत यल्लवाचा मुलगा सुनील याला दोषी ठरवले असून मंगळवारी (दि.६) न्यायालयात सुनावणी ठेवली आहे. उभय पक्षांच्या तक्रारी ऐकून शिक्षा सुनावली जाणार आहे. सरकार पक्षातर्फे सरकारी अभियोक्ता ॲड. विवेक शुक्ल यांनी काम पाहिले. त्यांना सहायक पोलीस उपनिरीक्षक एम. एम. नाईक, पोलीस नाईक लोहार... ????????????