रोटरीच्या माध्यमातून अंबाबाई मंदिर परिसरात अद्ययावत प्रसाधनगृह उभारणार

शिरोली : रोटरी क्लब अंबाबाई मंदिर परिसरात अद्ययावत प्रसाधनगृह प्रकल्प व आयलँड सुशोभीकरण प्रकल्प उभारणार असल्याची माहिती आमदार चंद्रकांत जाधव यांनी दिली. ते रोटरी क्लब ऑफ स्मार्टसिटीच्या पदग्रहण समारंभप्रसंगी बोलत होते. कार्यक्रमाला प्रमुख पाहुणे प्रांतपाल नासीर बारदोसकर उपस्थित होते. यावेळी रोटरीच्या अध्यक्षपदी उदय दीक्षित, सेक्रेटरी संजय जाधव आणि खजानिस महेश ढवळे यांची निवड करण्यात आली.

यावेळी आमदार जाधव म्हणाले, शहरात रोटरी क्लबच्या माध्यमातून अनेक नवनवीन समाजोपयोगी उपक्रम सुरू आहेत. त्यांच्या या कार्याला हातभार लावावा, असे आवाहन त्यांनी केले. यावेळी प्रांतपाल नासीर बारसदवाला यांनी गत वर्षात उत्कृष्ट काम केल्याबद्दल क्लबचे अध्यक्षा बाबा जांभळे, सेक्रेटरी अनुप पाटील आणि खजानिस अमर पंजवाणी यांचे कौतुक केले. यावेळी

उपप्रांतपाल अमित माटे, माजी प्रांतपाल संजय देशिंगे, वारणा वडगावकर, बाळासाहेब कडोलकर, मानसिंग पानसकर आणि सोनल जोशी, राजेंद्र जोशी, विनायक भालेकर, दिलीप पाटील, अमित जाधव उपस्थित होते.

फोटो : १० रोटरी शिरोली.

रोटरी क्लब ऑफ स्मार्टसिटीच्या पदग्रहण समारंभ सोहळ्याप्रसंगी आमदार चंद्रकांत जाधव, नासीर बारदोसकर, बाबासाहेब कडोलकर, उदय दीक्षित, बाबा जांभळे, अनुप पाटील उपस्थित होते.