दुचाकी चोरीप्रकरणी आष्टा येथून संशयितास अटक

कोल्हापूर : शाहूपुरीतील अपार्टमेंटच्या पार्किंगमधून दुचाकी चोरल्याप्रकरणी सांगली जिल्ह्यातील आष्टा येथून चोरट्यास पोलिसांनी मंगळवारी अटक केली. सागर चंद्रकांत म्हारणूर (वय २४, रा. कोसारी, ता. जत, जि. सांगली) याला अटक केली.

पोलिसांनी दिलेली माहिती अशी की, नित्येश दत्तात्रय कुंभार (वय ३, रा. सुदर्शन अपार्टमेंट, शाहूपुरी ६ वी गल्ली) यांनी आपल्या अपार्टमेंटच्या तळमजल्यात पार्किंगमध्ये आपली दुचाकी उभी केली होती. अज्ञात चोरट्यांनी दि. १८ एप्रिलला सकाळी ही दुचाकी बनावट चावीचा वापर करून चोरून नेली होती. त्याबाबत शाहूपुरी पोलीस ठाण्यात चोरीची तक्रार दाखल केली. पोलिसांनी अपार्टमेंटमधील सीसीटीव्ही कॅमेऱ्याचा आधार घेत चोरट्याचा माग काढला. संबंधीत चोरटा हा कोसारी येथील असल्याची माहिती मिळाली, शाहूपुरी पोलीस ठाण्यातील प्रशांत घोलप, सागर माने, दिग्विजय चौगुले हे पोलिसांचे पथक कोसारी (ता. जत) येथे त्याच्या घरी गेले. पण तेथे संशयित सापडला नाही. त्यानंतर चोरटा आष्टा येथे असल्याची माहिती मिळाली, पोलीस पथकाने तातडीने आष्टा येथे पोहोचून त्यांनी संशयित म्हारणूर याला अटक केली. त्याच्या ताब्यातून चोरीची दुचाकी जप्त केली. त्याने आणखी वाहनांची चोरी केल्याची शक्यता असल्याने पोलीस त्यादृष्टीने तपास करत आहेत.

फोटो नं. २७०४२०२१-कोल-सागर म्हारणूर (आरोपी)

===Photopath===

270421\27kol_9_27042021_5.jpg

===Caption===

फोटो नं. २७०४२०२१-कोल-सागर म्हारणूर (आरोपी)