मुलाकडून ६७ हजारांच्या आयफोनची चोरी

लोकमत न्यूज नेटवर्क

कोल्हापूर : येथील मिरजकर तिकटी परिसरातील ईगल प्राअड बिल्डिंगमधील मोबाइल विक्रीच्या दुकानातून अज्ञात लहान मुलाने सुमारे ६७ हजार रुपये किमतीचा आयफोन चोरला. ही घटना शुक्रवारी दुपारी घडली. या चोरीबाबत अक्षय आनंदा माने (वय २४, रा. यवलूज, ता. पन्हाळा) यांनी जुना राजवाडा पोलीस ठाण्यात रविवारी रात्री उशिरा तक्रार दिली. चोरी केलेला मुलगा सडपातळ, अंगात निळा टी शर्ट, दगडी रंगाची हाफ पॅन्ट असे चोरी केेलेल्या मुलाचे वर्णन फिर्यादीने सांगितले.

शाहू मिल कॉलनीतून दुचाकी चोरी

कोल्हापूर : येथील राजारामपुरी, शाहू मिल कॉलनीत आपल्या घराजवळ पार्क केलेली दुचाकी अज्ञाताने चोरून नेल्याची घटना घडली. ही घटना बुधवारी पहाटेच्या सुमारास घडली. याबाबत चंद्रकांत भगवान गणाचार्य (वय ३१, रा. शाळा नं. ९, शाहू मिल कॉलनी) यांनी रविवारी राजारामपुरी पोलीस ठाण्यात चोरीची तक्रार दिली आहे.