इंडस्ट्रिज कारखान्यातील मशीनच्या पार्टची चोरी

शहापूर : गणेशनगर येथील एका इंडस्ट्रिज कारखान्यात विक्री केलेले इंडक्शन फरणेसमधील विविध पार्ट असा एकूण सात लाख ६९ हजार ३४० रुपयांचा मुद्देमाल चोरट्यांनी चोरला. याबाबत सुश्रुत श्रीराम कुलकर्णी (वय ३४, रा. प्रियदर्शनी कॉलनी) यांनी शहापूर पोलिसांत तक्रार दिली आहे. चोरीची घटना २४ मार्च ते २५ मार्चदरम्यान झाली.

याबाबत अधिक माहिती अशी, सुश्रुत कुलकर्णी यांचा गणेशनगर येथे एस.एस.इंडस्ट्रिज नावाचा कारखाना आहे. या कारखान्यातून इंडक्शन फरणेस मशीनमधील लागणारे पार्ट, १ हजार एएमपी फूजचे तीन नग, एससीआर ॲसेम्बिलीचे तीन नग, एससीआर कन्वर्टरचे आठ नग, फायरिंग मॅड्युल एक नग, सीएलआरचा एक नग, डिस्चार्ज डायोड ॲसेम्बिलीचे एक नग, डायोड ॲसेम्बिलीचे दोन नग, डायोड २ नग, इन्वर्टर स्नबर ॲसेब्लिीचे दोन नग, टॅक कप्यासिटर दोन नग, जीएफएल रजिस्टर व २२००० सीएपीचा एक नग, इनफूट आयसोलेशन स्विच वन ब्लेडचा एक नग, इर्न्टनल बसबार सेट एक नग, एस्ट्रर्नल बसबार सेटय एक नग व अर्धा इंची होज पाईपिंग ३०० फूट असा एकूण सात लाख ६९ हजार ३४० रुपयांचा मुद्देमाल चोरून नेला.