पाच तालुक्यांत एकही नवा कोरोना रुग्ण नाही

कोल्हापूर : गेल्या २४ तासांत जिल्ह्यातील पाच तालुक्यांमध्ये कोरोनाचा एकही नवा रुग्ण नोंदवण्यात आलेला नाही. ११९ नागरिकांना कोरोनाची लागण झाली असून तिघांचा मृत्यू झाला आहे. सध्या जिल्ह्यात १३५५ रुग्णांवर उपचार सुरू असून १३१ जणांनी कोरोनावर मात करण्यात आली आहे.

आजरा, भुदरगड, चंदगड, गडहिंग्लज आणि गगनबावडा या पाच तालुक्यांत एकही कोरोनाचा नवा रुग्ण आढळलेला नाही, हे दिलासादायक आहे. तर कुरूंदवाड, शिरोळ, मलकापूर, मुरगूड नगरपालिका क्षेत्रातही नवा रुग्ण आढळलेला नाही. कोल्हापूर शहरामध्ये ४८, हातकणंगले तालुक्यात १५, करवीर आणि शिरोळ तालुक्यात प्रत्येकी १४ नवे रुग्ण नोंदवण्यात आले आहेत. अयोध्या टावर्स आणि टाकाळा चौकातील प्रत्येकी एक असा दोन नागरिकांचा कोरानामुळे मृत्यू झाला आहे. तर करवीर तालुक्यातील वसगडे येथील एका युवकाचा मृत्यू झाला आहे. गेल्या २४ तासांत सात हजार २०० नागरिकांच्या चाचण्या करण्यात आल्या आहेत.