सकल मराठा समाजाची आज बैठक

विद्यापीठात आजपासून ‘फॅक्ट चेकिंग अँड व्हेरिफिकेशन’ कार्यशाळा

कोल्हापूर : शिवाजी विद्यापीठाच्या जर्नालिझम आणि मास कम्युनिकेशन विभाग आणि कोल्हापूर प्रेस क्लबतर्फे आज, मंगळवारी आणि बुधवारी ‘गुगल न्यूज इनिशिएटिव्ह फॅक्ट चेकिंग अँड व्हेरिफिकेशन’ या विषयावर ऑनलाईन कार्यशाळा आयोजित केली आहे. त्यामध्ये गुगल न्यूज इनिशिएटिव्हच्या वतीने नूपुर सोनार या मार्गदर्शन करणार आहेत. माहिती, फोटो आणि व्हिडिओची सत्यता पडताळणी करणे, बातमीचे स्रोत याविषयीचे विश्लेषण आणि पडताळणी करणे, फेसबुक, ट्विटर, यूट्यूब आणि वेबसाईट्स या विषयावरही कार्यशाळेत मार्गदर्शन करण्यात येणार आहेत. कार्यशाळेतील सहभागासाठी (https://forms.gle/9nFqfPuyrHULNyHb7 )या लिंकवरून नावनोंदणी करणे आवश्यक आहे. प्राध्यापक, संशोधक, पत्रकार, विद्यार्थ्यांनी या कार्यशाळेचा लाभ घ्यावा, असे आवाहन विभागप्रमुख डॉ. निशा पवार यांनी केले आहे.