शिरोळ संक्षिप्त बातम्या

शिरोळ : घालवाड (ता. शिरोळ) येथील सरनोबत परिवाराने कोरोनाच्या पार्श्वभूमीवर फुलाजीराव सरनोबत यांच्या निधनानंतर होणाऱ्या उत्तरक्रिया खर्चाला फाटा देत विधायक कामासाठी आर्थिक स्वरूपात मदत केली. सरनोबत परिवाराकडून १५ हजारांची रक्कम सरपंच इंद्रजित सरनोबत यांच्याकडे सुपूर्द केली. यावेळी शिवाजी थोरवत, उदय खोंद्रे, गिरीश कंदले, अजितसिंह सरनोबत, इंद्रजित सरनोबत, सुचिता वाघ, जगदीश सरनोबत, राजेंद्र सरनोबत, राजवर्धन सरनोबत, जीवन सरनोबत, प्रवीण सरनोबत उपस्थित होते.

-------------

राहुल काशीद पुरस्काराने सन्मानित

जयसिंगपूर : येथील राहुल काशीद यांना राज्यस्तरीय पुरस्काराने सन्मानित करण्यात आले. सांगली येथे सामाजिक न्यायमंत्री सुरेश खाडे, राजीव आवळे यांच्या हस्ते हा पुरस्कार काशीद यांना प्रदान करण्यात आला. अध्यक्षस्थानी ॲड. कुबेर शेडबाळे होते. काशीद यांच्या सामाजिक कार्याची दखल घेऊन श्री साई समर्थ संस्थेच्या वतीने त्यांची या पुरस्कारासाठी निवड करण्यात आली. याप्रसंगी अश्विनी जमाले, हिंदुराव ढवळे, संतोष ढवळे यांच्यासह मान्यवर उपस्थित होते.

फोटो - २३०९२०२१-जेएवाय-०२-राहुल काशीद

---------------------

कुरुंदवाडमध्ये रस्त्याची दुरुस्ती

कुरुंदवाड : शहरातील शिवतीर्थ चौकातील रस्त्याची दुरुस्ती करण्यात आली आहे. त्यामुळे शहरवासीयांतून समाधान व्यक्त होत आहे. गेल्या कित्येक दिवसांपासून या रस्त्यामध्ये खड्डे पडले होते. त्यामुळे वाहनधारकांना नाहक त्रास सहन करावा लागत होता. आंदोलकांनी देखील या रस्त्याप्रश्नी वारंवार आंदोलने केली होती. या आंदोलनाची दखल घेत पालिका प्रशासनाने या रस्त्याची दुरुस्ती केली आहे.