ट्रक-मोटारसायकल अपघात ; महिला गंभीर

Accident Kolhapur-इचलकरंजी येथील डेक्कन मिलसमोर मोटारसायकल व गॅस सिलिंडरने भरलेल्या ट्रकचा अपघात झाला. यामध्ये एक महिला गंभीर जखमी झाली. महानंदा मारुती कोकाटे (वय ३४, रा. सरनोबतवाडी-कोल्हापूर) असे त्यांचे नाव आहे. ही घटना बुधवारी सायंकाळी साडेपाच वाजता घडली. याबाबत नोंद करण्याचे काम रात्री उशिरापर्यंत शिवाजीनगर पोलिस ठाण्यात सुरू होते. घटनास्थळावरून ट्रकचालक फरार झाला आहे.

ठळक मुद्देट्रक-मोटारसायकल अपघात ; महिला गंभीरघटनास्थळावरून ट्रकचालक फरार

इचलकरंजी : येथील डेक्कन मिलसमोर मोटारसायकल व गॅस सिलिंडरने भरलेल्या ट्रकचा अपघात झाला. यामध्ये एक महिला गंभीर जखमी झाली. महानंदा मारुती कोकाटे (वय ३४, रा. सरनोबतवाडी-कोल्हापूर) असे त्यांचे नाव आहे. ही घटना बुधवारी सायंकाळी साडेपाच वाजता घडली. याबाबत नोंद करण्याचे काम रात्री उशिरापर्यंत शिवाजीनगर पोलिस ठाण्यात सुरू होते. घटनास्थळावरून ट्रकचालक फरार झाला आहे.

घटनास्थळावरून मिळालेली माहिती अशी, महानंदा व त्यांचे पती कोल्हापूर येथे राहतात. हे दोघेजण इचलकरंजी येथे आपल्या नातेवाइकांकडे मोटारसायकल (एमएच ०९-४१३५) वरून आले होते.

डेक्कन मिलच्या मुख्य प्रवेशद्वारासमोरून जात असताना त्यांच्या बाजूने निघालेल्या गॅस सिलिंडरने भरलेल्या ट्रक (एमएच ४३ बीजी ९८४६) च्या पाठीमागील चाकात महानंदा यांचा पाय अडकल्याने त्या खाली कोसळल्या.

त्यामध्ये त्या गंभीर जखमी झाल्या. त्यांना तातडीने आयजीएम रुग्णालयात प्राथमिक उपचार करून कोल्हापूर येथील सीपीआर रुग्णालयात हलविण्यात आले. घटनास्थळी वाहतुकीची कोंडी झाली होती.