मूलभूत सुविधा सोडविण्यासाठी प्रयत्नशील

नागरिकांच्या मूलभूत सुविधांना प्राधान्य देऊन त्या सर्वप्रथम सोडवण्यासाठी प्रयत्नशील राहू, अशी ग्वाही आमदार ऋतुराज पाटील यांनी दिली. ते पाचगाव येथील मगदूम कॉलनीजवळील नवीन पुलाच्या उद्‌घाटनप्रसंगी बोलत होते.

यावेळी पाटील म्हणाले, या ओढ्याचे पाणी कॉलनीतील अनेक नागरिकांच्या घरात घुसून नुकसान होत होते. मात्र, नवीन पुलामुळे येथील नागरिकांना दिलासा मिळणार आहे. नागरिकांना वेळेवर व मुबलक पाणीपुरवठा कसा करता येईल, यासाठी विशेष प्रयत्न करणार असल्याचेही त्यांनी यावेळी सांगितले.

यावेळी पाचगावचे सरपंच संग्राम पाटील, उपसरपंच अश्विनी चिले, सुभेदार शिवाजी भोळे, नारायण गाडगीळ, संजय पाटील, संग्राम पोवाळकर, राधिका खडके, प्रवीण कुंभार, प्रकाश गाडगीळ, शिवाजी दळवी उपस्थित होते.

फोटो : २१ पाचगाव पूल

पाचगाव येथे मगदूम कॉलनी येथील पुलाचे उद्‌घाटन आमदार ऋतुराज पाटील यांच्या हस्ते करण्यात आले. यावेळी पाचगावचे सरपंच संग्राम पाटील, सुभेदार शिवाजी भोळे, नारायण गाडगीळ, संजय पाटील उपस्थित होते.