केर्लीजवळ ट्रॅक्टर धडकेत दोघे भाऊ जखमी

कोल्हापूर : चुकीच्या दिशेने भरधाव वेगाने आलेल्या ट्रॅक्टरने धडक दिल्याने दुचाकीवरील दोघे भाऊ जखमी झाले. जखमी आकाराम गोविंद शेख (४२, रा. कुंभारवाडा, ता. शाहुवाडी) व त्याचा भाऊ (नाव माहीत नाही) दोघांना उपचारसाठी सीपीआर रुग्णालयात दाखल केले.

पोलिसांनी दिलेली माहिती अशी की, आकाराम व त्याचे बंधू हे दोघे रत्नागिरी ते कोल्हापूर मार्गावरुन आपल्या दुचाकीवरुन जात होते. केर्ली (ता. करवीर) गावानजीक चुकीच्या दिशेने आलेल्या भरधाव ट्रॅक्टरने त्यांच्या दुचाकीला जोराची धडक दिली. तसेच अपघाताची माहिती न देता हा ट्रॅक्टरचालक पळून गेला. या अपघातात दोघे बंधू जखमी झाले. त्यापैकी आकाराम शेख यांची प्रकृती गंभीर आहे. या अपघातप्रकरणी करवीर पोलीस ठाण्यात अज्ञात ट्रॅक्टरचालकाविरुध्द गुन्हा दाखल झाला आहे.

(तानाजी)