मुमेवाडीजवळील अपघातात दोघे जखमी

उत्तूर मुमेवाडी (ता. आजरा) : येथील गडहिंग्लज मार्गावर १३ जानेवारी रोजी रात्री पावणे आठ वाजता मारूती भिंऊगडे यांच्या घराजवळ दुचाकीस्वाराचा ताबा सुटल्याने झालेल्या अपघातात जोतिबा विष्णू भिंऊगडे (वय ४१, रा. मुमेवाडी) व संतोष मारुती पाटील (रा. जखेवाडी, ता. गडहिंग्लज) हे दोघे जखमी झाले आहेत. या अपघाताची खबर भिंऊगडे यांनी आजरा पोलिसात दिली.

रावसाहेब जानबा पाटील (रा. कडगाव) या स्वाराने आपल्या ताब्यातील दुचाकी क्रमांक (एमएच ०९ एफएम ३६४४)ने भिंऊगडे हे रस्त्याने चालत जात असताना त्यांना पाठीमागून ठोकरले. यावेळी पाटील यांच्या दुचाकीवर मागे बसलेले संतोष पाटील हे दुचाकीवरुन खाली पडल्याने जखमी झाले. या अपघातात दोघे जखमी झाल्याने निष्काळजीपणे वाहन चालविल्याचा गुन्हा दाखल करण्यात आला आहे.