नवे पारगावचे दोघे जखमी

लोकमत न्यूज नेटवर्क

कोल्हापूर : वाठार रस्त्यावर भरधाव दुचाकी घसरून झालेल्या अपघातात दोघे युवक जखमी झाले. ऋतुराज सुभाष धुमाळ (वय २२) आणि सागर हणमंत तळेकर (२८, दोघे रा. नवे पारगाव, ता. हातकणंगले) अशी त्यांची नावे आहेत. त्यांना तातडीने उपचारासाठी सीपीआरमध्ये दाखल केले.

ऊसतोड मजूर जखमी

कोल्हापूर : रूकडी फाटा येथे झालेल्या अपघातात ऊसतोड मजूर जखमी झाला. आकाश बंडू शेरकर (वय २१, सध्या रा. जवाहर साखर कारखाना परिसर) असे त्याचे नाव आहे. त्याला सीपीआरमध्ये उपचारासाठी दाखल केले. आपघाताची नोंद सीपीआर चौकीत झाली आहे.

कोलोली येथे मारामारीत एक जखमी

कोल्हापूर : पन्हाळा तालुक्यातील कोलोली येथे शुक्रवारी रात्री झालेल्या मारहाणीत एकजण जखमी झाला. अंकुश हणमंत पाटील (वय ४५, रा. कोलोली, पन्हाळा) असे जखमीचे नाव आहे. त्यांना सीपीआरमध्ये दाखल केले. याची नोंद सीपीआर पोलीस चौकीत झाली.

दुचाकीस्वार जखमी

कोल्हापूर : शहरानजीक शिंगणापूर पाण्याची टाकी परिसरात भरधाव दुचाकी घसरून झालेल्या अपघातात तरुण जखमी झाला. विजय रंगराव पाटील (वय ३०, रा. शिंगणापूर) असे त्याचे नाव आहे. त्याला सीपीआर रुग्णालयात दाखल केले. याची नोंद सीपीआर पोलीस चौकीत झाली आहे.