उत्कर्ष मंच ठरतोय गरजूंना आधारवड

जयसिंगपूर : उत्कर्ष परिसर विकास मंच, उपकार नगर व शिवार सामाजिक सेवा संस्थेच्यावतीने सामाजिक बांधिलकीतून मोफत जेवण देण्याचा उपक्रम सुरू करण्यात आला आहे. गरीब व गरजू पन्नास लोकांना दररोज जेवण देण्यात येत आहे. उत्कर्ष मंचकडून राबविण्यात येणारा हा उपक्रम गरजूंना आधारवड ठरत आहे.

लॉकडाऊनमुळे काही गरीब, गरजू लोकांना मदतीचा हात म्हणून पन्नास लोकांना जेवण देण्याचा संकल्प सुरू केला आहे. येथील दहावी गल्ली येथे हा उपक्रम सुरू असतो. या उपक्रमाला चांगला प्रतिसाददेखील मिळत आहे. माजी खासदार राजू शेट्टी यांच्या हस्ते या उपक्रमास सुरुवात करण्यात आली. या उपक्रमासाठी ज्यांना मदतीचा ओघ देखील सुरू झाला आहे. ज्यांना मदत द्यायची आहे त्यांनी उत्तम सुतार, आबासाहेब जाधव यांच्याशी संपर्क साधण्याचे आवाहन संस्थेच्यावतीने करण्यात आले आहे.

चौकट - उपक्रमास प्रतिसाद

उत्कर्ष परिसर विकास मंच व शिवार सामाजिक सेवा संस्थेच्यावतीने सुरू केलेल्या या उपक्रमासाठी आतापर्यंत १ लाख ४ हजार ४५२ इतकी रक्कम जमा झाली आहे. हा उपक्रम मोठ्या पध्दतीने सुरू ठेवण्यासाठी दातृत्वांनी मदतीसाठी पुढे यावे, असे आवाहन उत्कर्ष परिसर विकास मंचचे अध्यक्ष महावीर पवार यांनी केले आहे.

फोटो - ०२०५२०२१-जेएवाय-०२

फोटो ओळ - जयसिंगपूर येथे उत्कर्ष मंचच्यावतीने गरजू लोकांना मोफत जेवण पुरविण्याचा उपक्रम माजी खासदार राजू शेट्टी यांच्या हस्ते सुरू करण्यात आला.