विद्यापीठात वसंतराव नाईक यांची जयंती साजरी

ज्ञानदा कदम यांचे रविवारी व्याख्यान

कोल्हापूर : मीडिया एज्युकेटर्स असोसिएशन ऑफ महाराष्ट्र (मीम) या राज्यव्यापी संघटनेतर्फे एबीपी माझ्या या वृत्तवाहिनीच्या वृत्तनिवेदिका ज्ञानदा कदम यांचे व्याख्यान रविवारी (दि.४) दुपारी बारा वाजता ऑनलाईन आयोजित करण्यात आले आहे. ‘काय सांगशील ज्ञानदा – महिला आणि प्रसारमाध्यमे’ असा त्यांच्या व्याख्यानाचा विषय आहे, अशी माहिती अध्यक्ष डॉ. सुधीर भटकर आणि डॉ. शिवाजी जाधव यांनी दिली.

‘केआयटी’च्या कर्मचाऱ्यांना दोन हजार मास्कचे वाटप

कोल्हापूर : येथील केआयटी कॉलेजचे कर्मचारी आणि त्यांच्या कुटुंबीयांना रिलायन्स फाउंडेशनतर्फे दोन हजार मास्कचे वाटप करण्यात आले. या सहकार्याबद्दल केआयटीचे संचालक डॉ. व्ही. व्ही. कार्जिन्नी यांनी आभार मानले. यावेळी रिलायन्स जिओचे विनायक पाटील, अमोल पवार, केआयटी संगणकशास्त्र विभाग प्रमुख डॉ. ममता कलस, बायोटेक्नॉलॉजी विभाग प्रमुख डॉ. पल्लवी पाटील, इ. अँड टी. सी. विभाग प्रमुख प्रा. ए. आर. निगवेकर, निबंधक डॉ. एम. एम. मुजूमदार, प्रा. समीर पाटील उपस्थित होते.