बदली झालेल्या पोलीस अधिकाऱ्याचा गावाने केला सत्कार

नगरपालिकेच्या सभागृहात आयोजित कार्यक्रमाला तर मोठी गर्दी झाली.

मुरगूड पोलीस स्टेशनचे पीएसआय किशोर कुमार खाडे यांच्या बदलीनिमित्त नगरपालिका व सानिका स्पोर्ट्सच्या वतीने सत्कार समारंभ झाला. अध्यक्षस्थानी नगराध्यक्ष राजेखान जमादार होते. उत्पादन सेवा शुल्क विभागाचे पीएसआय पांडुरंग कुडवे यांच्या हस्ते खाडे यांचा सत्कार करण्यात आला. बजरंग सोनुले, पीएसआय कुमार ढेरे, नगरसेवक रविराज परीट, प्रकाश पोतदार, सचिन मेंडके, दत्ता मंडलिक, विनायक मुसळे, सागर सापळे, नंदकिशोर खराडे, पृथ्वीराज शिंदे, निशांत जाधव, जगन्नाथ चितळे, विकी बोरगावे, किशोर पोतदार, अविनाश बाबर, नंदू चौगुले, प्रशांत शहा यांच्यासह नागरिक उपस्थित होते. या वेळी उपनगराध्यक्षा रंजना मंडलिक, संतोष वंडकर, अनिल पाटील, विकी साळोखे यांनी मनोगत व्यक्त केले.