आवाडेंची भेट, तर कोरेंशी चर्चा

येथील हॉटेलवर फडणवीस आल्यानंतर देवस्थान समितीचे अध्यक्ष महेश जाधव, माजी खासदार धनंजय महाडिक, माजी आमदार सुरेश हाळवणकर, भाजप महानगर जिल्हाध्यक्ष राहुल चिकोडे, संघटन मंत्री बाबा देसाई, राहुल देसाई यांनी त्यांचे स्वागत केले. माथाडी कामगार नेते नरेंद्र पाटील हे फडणवीस यांच्यासाेबत गाडीतून आले. यानंतर फडणवीस हॉटेलमध्ये काही काळ थांबून न्यू पॅलेसकडे रवाना झाले. त्याआधी गडबडीतच आलेल्या आमदार प्रकाश आवाडे यांनी शाल, पुष्पगुच्छ देऊन फडणवीस यांचे स्वागत केले. त्यानंतर काही वेळातच आमदार विनय कोरे या ठिकाणी आले.

यावेळी माजी जिल्हाध्यक्ष हिंदुराव शेळके, अशोक देसाई, विजय जाधव, भगवान काटे, अजित ठाणेकर, विजयसिंह पाटील, विजय अगरवाल, दिलीप मैत्राणी उपस्थित होते. फडणवीस यांचे स्वागत झाल्यानंतर बाहेर पडणाऱ्या आवाडे, हाळवणकर यांनी एकमेकांची चौकशी केली.

११०२२०२१ कोल देवेंद्र फडणवीस

कोल्हापूरमध्ये गुरुवारी रात्री आमदार प्रकाश आवाडे यांनी विधानसभेचे विरोधी पक्षनेते देवेंद्र फडणवीस यांचे स्वागत केले. यावेळी महेश जाधव, बाबा देसाई उपस्थित होते.