कुंभोजच्या विकासासाठी सदैव निधी देऊ

कुंभोज : कुंभोज गावचा वाढता विस्तार, त्याप्रमाणात निर्माण होणाऱ्या नागरिकांच्या मूलभूत प्रश्र्नांच्या सोडवणुकीसाठी सदैव प्रयत्नशील राहीन, तसेच गावाला जास्तीत जास्त निधी देण्याचे आश्वासन आमदार राजू आवळे यांनी दिले. कुंभोज (ता. हातकणंगले) येथे विविध विकासकामांच्या उद्घाटनप्रसंगी ते बोलत होते.

दरम्यान, कुंभोजच्या विकासासाठी भरघोस निधी दिल्याबद्दल आमदार आवळे यांचा ग्रामस्थांच्या वतीने सत्कार करण्यात आला. आमदार निधी, तसेच २५/१५, ३०/५४ या योजनेतून मंजूर सुमारे ५० लाख निधीतून शिवाजीनगर, पोतदार गल्ली, मोघेगल्ली येथील रस्ता डांबरीकरण तसेच कुंभोज-वाठार रस्ता खडीकरण कामाचा प्रारंभ आवळे यांच्या हस्ते झाला.

यावेळी पं. स. सदस्य सपना पांडव, युवा नेते किरण माळी, माजी सरपंच माधवी माळी, किरण नामे, जवाहर साखर कारखान्याचे उपाध्यक्ष बाबासाहेब चौगुले, ‘शरद’चे सचांलक आप्पासाहेब चौगुले, श्रीकांत माळी, नंदकुमार माळी, जहांगीर हजरत, अभिजित जाधव, अमोल शिंदे, धनाजी तिवडे, सदाशिव महापुरे, सुधीर कांबळे, प्रल्हाद लोखंडे, ऋतुराज तोरस्कर, बबन पाटील, अभिनंदन चौगुले, तसेच नागरिक उपस्थित होते.

फोटो ओळी - कुंभोज (ता. हातकणंगले) येथे विविध विकासकामांचे उद्घाटन करताना आमदार राजू आवळे. सोबत बाबासाहेब चौगुले, किरण माळी, किरण नामे, आदी उपस्थित होते.