कदमवाडीत पाचव्या मजल्यावरून पडून महिलेचा मृत्यू

कोल्हापूर : पाचव्या मजल्यावरून खाली पडल्याने महिलेचा जागीच मृत्यू झाल्याची घटना कदमवाडी परिसरात घाटगे कॉलनीतील शिवांजली अपार्टमेंटमध्ये घडली. मंजूषा विनायक कागले (वय ३८), असे मृत विवाहित महिलेचे नाव आहे. ही घटना रविवारी रात्री उशिरा घडली. याबाबत शाहूपुरी पोलीस ठाण्यात घटनेची नोंद झाली आहे.

पोलिसांनी दिलेली माहिती अशी की, विनायक कागले यांचा वाहन खरेदी-विक्रीचा व्यवसाय आहे. ते शिवांजली अपार्टमेंटमध्ये पाचव्या मजल्यावर फ्लॅटमध्ये पत्नी, आई, दोन मुलांसह राहतात. रविवारी रात्री उशिरा सर्वजण जेवण करून एकत्रित गप्पा मारत बसले होते. विनायक यांना मणक्याचा त्रास आहे, त्यामुळे मणका दुखू लागल्याने त्यांची पत्नी मंजूषा या त्यांच्या मणक्याला मलम लावत होत्या. त्यानंतर त्या गरम पाण्याचा शेक देण्यासाठी स्वयंपाक खोलीनजीकच्या पोर्चमध्ये गेल्या. काही वेळातच बेसमेंटमध्ये काहीतरी पडल्याचा आवाज आला. त्यावेळी विनायक व त्यांची आई हे दोघे पोर्चमध्ये धावले, पण तेथे मंजूषा नव्हत्या. त्याचवेळी बेसमेंटमध्ये रक्ताच्या थारोळ्यात मंजूषा पडल्याचे वरूनच दिले. परिसरात मोठा आवाज आल्याने अपार्टमेंटमधील नागरिकही घटनास्थळी दाखल झाले. पाचव्या मजल्यावरून डोक्यावर पडल्याने त्यांचा जागीच मृत्यू झाला होता. रात्री उशिरा घडलेल्या घटनेमुळे परिसरात गोंधळ उडाला. माहिती मिळताच तातडीने शाहूपुरी पोलीस घटनास्थळी दाखल झाले. मृतदेह उत्तरीय तपासणीसाठी शासकीय रुग्णालयात हलविण्यात आला. मृत मंजूषा कागले यांच्या पश्चात पती, मुलगा, मुलगी, सासू असा परिवार आहे.

फोटो नं. २३०८२०२१-कोल-मंजूषा कागले

230821\23kol_12_23082021_5.jpg

फोटो नं. २३०८२०२१-कोल-मंजूषा कागले