प्रयाग चिखली येथील यात्रा रद्द

दरवर्षी महाशिवरात्रीनंतर येणाऱ्या मंगळवारी येथील ग्रामदैवत च्यवन ऋषींची यात्रा मोठ्या उत्साहात साजरी होत असते. गतवर्षीची यात्रा महापूर तसेच कोरोनाच्या कारणास्तव रद्द करण्यात आली होती. चालूवर्षीही कोरोनाचे सावट पुन्हा एकदा गडद झाल्यामुळे जिल्हा प्रशासनाचे सूचनेनुसार यात्रा (म्हाई) पूर्णपणे रद्द करण्याचा निर्णय गाव पंचांच्या बैठकीत घेण्यात आला. बैठकीत ठरल्याप्रमाणे यात्रेनिमित्त दरवर्षी आयोजित केले जाणारे कोणतेही धार्मिक वा सांस्कृतिक कार्यक्रम होणार नाहीत. शासनाच्या धोरणानुसार कडक निर्बंध घालण्यात आले आहेत. त्या सूचना गावपातळीवरील सर्वच घटकांना ग्रामपंचायतीच्या वतीने देण्यात आलेल्या आहेत. यात्रा रद्दनिमित्त घेण्यात आलेल्या बैठकीला माजी जिल्हा परिषद सदस्य एस. आर. पाटील, यात्रा कमिटी अध्यक्ष हिंदुराव शिंदे, तंटामुक्ती अध्यक्ष बळी कळके, सनी आंबले, संपतराव दळवी, रघुनाथ दळवी, जंबा पाटील, कुमार दळवी, निवास पाटील, दगडू पाटील आदी उपस्थित होते.