कोगनोळीतील अपघातात हंचिनाळचा युवक ठार

Accident Kolhapur- कोगनोळी येथील बिरदेव मंदिर ते भगवा सर्कल रोडवरील स्मशानभूमी समोर आज दुपारी दोनच्या सुमारास मोटर सायकल व आयशर यांच्यात झालेल्या अपघातात हंचिनाळ येथील सतीश महादेव हळिज्वाळे (वय 30) रा. हंचिनाळ याचा जागीच मृत्यू तर कागनोळी येथील एकजण जखमी झाल्याची घटना घडली.

ठळक मुद्देकोगनोळीतील अपघातात हंचिनाळचा युवक ठारमोटर सायकल, आयशर यांच्यात समोरासमोर धडक

बाबासो हळिज्वाळे

कोगनोळी : येथील बिरदेव मंदिर ते भगवा सर्कल रोडवरील स्मशानभूमी समोर आज दुपारी दोनच्या सुमारास मोटर सायकल व आयशर यांच्यात झालेल्या अपघातात हंचिनाळ येथील सतीश महादेव हळिज्वाळे (वय 30, रा. हंचिनाळ) याचा जागीच मृत्यू तर कागनोळी येथील एकजण जखमी झाल्याची घटना घडली.

याबाबत घटनास्थळावरून मिळालेली माहिती अशी, की सतीश हळिज्वाळे व वैभव राजेंद्र कुंभार (वय 17, रा. कोगनोळी) हे दोघेजण मोटर सायकल वरून राष्ट्रीय महामार्गावरून कोगनोळीच्या दिशेने येत होते तर कोगनोळीतून राष्ट्रीय महामार्गाकडे आयशर ट्रक जात होता.

बिरदेव मंदिर ते भगवा सर्कल रोडवरील स्मशानभूमीसमोर या दोघांची समोरासमोर धडक झाली. ही धडक इतकी भीषण होती की सतीश याचा जागीच मृत्यू झाला. तर वैभव हा जखमी झाला. सतीश याच्या पश्चात आई, वडील, पत्नी, मुलगा, मुलगी असा परिवार आहे.