टिंबर मार्केट येथे युवकास मारहाण

लोकमत न्यूज नेटवर्क

कोल्हापूर : टिंबर मार्केट येथे किरकोळ कारणावरून झालेल्या मारहाणीत युवक जखमी झाला. अनिष युवराज सकट (वय २७) असे त्याचे नाव आहे. त्‍याला उपचारासाठी सीपीआरमध्‍ये दाखल केले. याची नोंद जुना राजवाडा पोलिसांत झाली.

विष प्राशनाने युवकाचा मृत्‍यू

कोल्हापूर : विषारी द्रव प्राशन केल्‍याने परशुराम रंगराव डेंगळे (वय ३०, रा. माजगाव, पन्‍हाळा) याचा मृत्‍यू झाला. त्याने २२ फेब्रुवारीला शेतात विषारी द्रव प्राशन केले होते. त्याच्यावर सीपीआर रुग्णालयात उपचार सुरू होते. उपचार सुरू असताना त्याची प्रकृती बिघडल्याने गुरुवारी दुपारी त्‍याचा मृत्‍यू झाला. याची नोंद सीपीआर पोलीस चौकीत झाली आहे.

जवाहरनगरात युवकास मारहाण

कोल्हापूर : जवाहरनगरात मारहाणीत युवक गंभीर जखमी झाला. तौसीर मेहबुब मुजावर (वय २२, रा. जवाहरनगर) असे जखमी युवकाचे नाव आहे. बुधवारी रात्री उशिरा हा प्रकार घडला. त्‍याच्‍यावर सीपीआरमध्‍ये उपचार सुरू आहेत. याची नोंद सीपीआर पोलीस चौकीत झाली.

केर्लेजवळ अपघातात दोघे जखमी

कोल्‍हापूर : केर्ले येथे दुचाकी अपघातात दोघेजण जखमी झाले. धनाजी पांडुरंग खोपकर (वय ३५) व महेश भिकाजी गोळे (२८, दोघे रा. धबधबेवाडी, पन्‍हाळा) अशी जखमींची नावे आहेत. त्यांच्यावर सीपीआर रुग्णालयात उपचार सुरू आहेत. याची नोंद सीपीआर पोलीस चौकीत झाली.