Latest Marathi News

‘बादशाहो’, ‘गोलमाल अगेन’ नंतर अजय देवगणकडे अनेक शानदार प्रोजेक्ट आहेत. यापैकीचं एक म्हणजे, ‘रेड’ हा अजयचा आगामी चित्रपट. ‘रेड’चा ट्रेलर आज रिलीज झाला. या ट्रेलरमध्ये अजय देवगण आयकर अधिका-याच्या भूमिकेत दिसतोय. आधी मेकर्सने या चित्रपटाचे पोस्टर जारी केले आणि लगेच काही तासांत ‘रेड’चा ट्रेलर रिलीज करण्यात आला. या ट्रेलरमधील अजयची पहिली झलक पे्रक्षकांची उत्सुकता वाढवण्यासाठी पुरेशी आहे. या चित्रपटात अजय पुन्हा एकदा एका प्रामाणिक अधिकाºयाच्या रूपात दिसतो आहे. लखनौच्या पार्श्वभूमीवर आधारित हा चित्रपट एका सत्यकथेवर आधारित आहे. १९८१ मधील देशातील सर्वात मोठा हायप्रोफाईल आयकर धाडीचे कनेक्शन यात दाखवले आहे. ट्रेलरमधील अजयचे डायलॉग्स चांगलेच दमदार आहेत. ‘डिपार्टमेंट अब टॅक्स की चोरी बर्दाश्त नहीं करेगा,’‘इंडिया के आॅफिसर्स का नहीं उनकी बीबियों का बहादुर होना जरूरी है,’ हे अजयचे संवाद टाळ्या घेणारे भासताहेत. या चित्रपटात अजय पुन्हा एकदा इलियाना डिक्रूजसोबत स्क्रिन शेअर करताना दिसणार आहे. यापूर्वी ‘बादशाहो’मध्ये ती अजयसोबत दिसली होती. सौरभ शुक्लाही निगेटीव्ह रोलमध्ये जमून आला आहे.या चित्रपटात अजयने लखनौतील अमय पटनायक नामक एका डेप्युटी कमिशनरचे पात्र साकारले आहे. ट्रेलरवरून एक गोष्ट स्पष्ट आहे, ती म्हणजे, या चित्रपटात आयकर विभागाचे छापे आणि भ्रष्टाचाराची एक मजेशीर लढाई पाहायला मिळणार आहे. ती सुद्धा अजय देवगणच्या ‘सिंघम’ आणि ‘गंगाजल’ स्टाईलमध्ये. यंदाचा अजयचा हा पहिला चित्रपट असणार आहे. येत्या १६ मार्चला प्रेक्षकांच्या भेटीस येणाºया या चित्रपटाचा ट्रेलर तुम्हीही पाहा आणि कसा वाटला ते आम्हाला नक्की कळवा.ALSO READ : २१ वर्षांनी लहान असलेल्या ‘या’ अभिनेत्रीच्या प्रेमात पडणार अजय देवगण!

नाशिकरोड : बालकाचा खेळत असताना विहिरीत पडून दुर्दैवी मृत्यू झाल्याची घटना घडली. ...

औरंगाबाद : आपल्या देशात इतिहासाचे केवळ गुणगान गायचे आणि त्याबद्दल बढाया मारण्याची वृत्ती आहे. ...

नाशिक : ‘वस्तू व सेवा कराची अंमलबजावणी सुरू झाल्यानंतर अनुदान वितरित करण्यास मान्यता दिली आहे. ...

स्वातंत्र्य आंदोलनाची सुरुवात १८२४ मध्ये झारखंडच्या आदिवासी तिल्का मांझी यांनी केली. ...

जालना : भाविकांच्या विठ्ठल जयघोषाने मंगळवारी अवघी जालनानगरी दुमदुमून गेली. ...