लातूरच्या पाच नंबर चौकात भरधाव कार कठड्यावर आदळली

दोघे गंभीर : रविवारी रात्री १२.३० वाजण्याची घटना

लातूर : शहरातील बार्शी रोडवरील पाच नंबर चौकात वळण घेताना भरधाव कार शहिद भगतसिंग चौकाच्या कठड्यावर जोरात आदळली. ही घटना रविवारी रात्री १२.३० वाजण्याच्या सुमारास घडली. या घटनेत कारमधील दोघेजण गंभीर जखमी झाले आहेत.

घटनेची माहिती मिळताच एमआयडीसी पोलीस घटनास्थळी दाखल झाले. यावेळी १०८ रूग्णवाहिकेला पाचारण करण्यात आले होते. जखमी दोन्ही युवकांना शासकीय रूग्णालयात उपचारासाठी नेण्यात आले आहे. अपघात झालेल्या कार क्र.एमएच १२ जीआर ३४७१ चे मोठे नुकसान झाले आहे. अपघातानंतर चालकाकडील दरवाजा लवकर उघडत नसल्याने चालक अडकून पडला होता. यावेळी नागरिक व पोलिसांनी त्याला बाहेर काढले. दोघांनाही शासकीय रूग्णालयात उपचारासाठी दाखल करण्यात आले आहे. त्यांची नावे अद्याप समजली नसल्याचे पोलिसांकडून सांगण्यात आले.