coronavirus : लातूर जिल्ह्यात आणखी ३ पॉझिटिव्ह

जिल्ह्यात आतापर्यंत ८ व्यक्तींचा मृत्यू झाला असून, १२८ रुग्ण कोरोनामुक्त झाले आहेत.

लातूर : जिल्ह्यात शुक्रवारी ८७ व्यक्तींच्या स्वॅबची तपासणी करण्यात आली होती. त्यापैकी ८० व्यक्तींचे अहवाल निगेटिव्ह आले असून, एकाचा अहवाल पॉझिटिव्ह आला आहे. तर दोन अनिर्णित असून ४ स्वॅब परिपूर्ण नसल्यामुळे रद्द करण्यात आले आहेत. 

दरम्यान, गुरुवारी प्रलंबित असलेल्या तीन व्यक्तींच्या अहवालापैकी दोघांचा अहवाल शुक्रवारी पॉझिटिव्ह आला असून, आता कोरोना बाधितांचा जिल्ह्याचा आलेख १७३ वर पोहोचला आहे. आतापर्यंत ८ व्यक्तींचा मृत्यू झाला असून, १२८ रुग्ण कोरोनामुक्त झाले आहेत. सद्य:स्थितीत ३७ रुग्ण उपचार घेत आहेत.