होळीकर प्रतिष्ठानतर्फे गुणवंतांचा सत्कार

अध्यक्षस्थानी उपजिल्हाधिकारी डॉ. प्रवीण मेंगशेट्टी होते. यावेळी प्राचार्य डॉ. दत्ता पाटील, डी. एस. बन गुरुजी व प्रतिष्ठानचे अध्यक्ष राम जाधव उपस्थित होते. यावेळी नाशिक आरोग्य विद्यापीठाच्या सिनेट सदस्यपदी निवडीबद्दल प्राचार्य डॉ. दत्ता पाटील, नायब तहसीलदारपदी निवड झालेले डॉ. संदीप हाडगे व एसटी महामंडळात अधीक्षक म्हणून निवड झालेले संतोष बिराजदार यांच्यासह नीट परीक्षेत महाराष्ट्रात दुसरा आलेला अभय चिल्लरगे, अजय बिरादार, प्रतीक नादरगे, वैशाली रेड्डी मेंढे, सी. ए. फाऊंडेशन परीक्षेत भारतात ३३ वी आलेली नेहा कदम, दहावी बोर्ड परीक्षेत १०० पैकी १०० गुण घेतलेल्या शहरातील ५ शाळांतील अंकिता ढगे, स्नेहा बारमाळे, गितेश यादव, मेघराज सोनटक्के, स्वरूप सावळे आदींचा देवमाणूस ग्रंथ, स्मृतिचिन्ह, प्रमाणपत्र, शाल- श्रीफळ व पुष्पहार देऊन सत्कार करण्यात आला. प्रारंभी उषाताई तोडचिरकर यांंनी उपस्थितांचे स्वागतगीताने स्वागत केेेले. प्रास्ताविक प्रा. डॉ. माधव कांबळे यांनी, सूत्रसंचालन यशवंत बिरादार यांनी केले. तर प्रतिष्ठानचे अध्यक्ष राम जाधव यांनी आभार मानले.

***