Latur: भरधाव ट्रकने दुचाकीस चिरडले, एकाचा जागीच मृत्यू, जहिराबाद महामार्गावरील घटना
By राजकुमार जोंधळे | Published: May 29, 2023 11:00 PM2023-05-29T23:00:29+5:302023-05-29T23:00:38+5:30
Latur: भरधाव ट्रकने एका दुचाकीला चिरडल्याची घटना निलंगा तालुक्यातील केळगाव पाटी येथे लातूर-जहिराबाद महामार्गावर साेमवारी सायंकाळच्या सुमारास घडली.
Latur: भरधाव ट्रकने दुचाकीस चिरडले, एकाचा जागीच मृत्यू, जहिराबाद महामार्गावरील घटना
Next - राजकुमार जाेंधळे
लातूर - भरधाव ट्रकने एका दुचाकीला चिरडल्याची घटना निलंगा तालुक्यातील केळगाव पाटी येथे लातूर-जहिराबाद महामार्गावर साेमवारी सायंकाळच्या सुमारास घडली. या अपघातात एक जण जागीच ठार झाला आहे. याबाबत निलंगा पाेलिस ठाण्यात गुन्हा दाखल करण्याची प्रक्रिया सुरू आहे.
पाेलिसांनी सांगितले, लातूर तालुक्यातील साेनवती येथील ज्ञानेश्वर विश्वंभर पाटील (वय ४९) हे दुचाकीवरून (एम.एच. २४ बी. १५८१) निलंगा शहराच्या दिशेने प्रवास करत हाेते. दरम्यान, केळगाव पाटी येथे साेमवारी सायंकाळच्या सुमारास भरधाव ट्रकने (के.ए. ५६ / ४५९१) समाेरून जाेराची धडक देत चिरडले. या अपघातात दुचाकीवरील एक जण जागीच ठार झाल्याची माहिती घटनास्थळी दाखल झालेल्या ग्रामस्थांनी दिली. घटनेची माहिती निलंगा पाेलिसांना मिळताच पाेलिस घटनास्थळी दाखल झाले. पाेलिसांनी निलंगा येथील उपजिल्हा रुग्णालयात अपघातातील व्यक्तीचा मृतदेह दाखल केला आहे. याबाबत निलंगा पाेलिस ठाण्यात अपघाताची नाेंद करण्याची प्रक्रिया सुरू आहे. अधिक तपास पाेलिस हेड काॅन्स्टेबल डी. एन. गुडमेवाड करत आहेत.
लातूर-जहिराबाद महामार्गावर केळगाव पाटी येथे दिशादर्शक फलक आणि जम्पिंग रस्त्यामुळे हा अपघात झाल्याचे ग्रामस्थांनी सांगितले. शिवाय, महामार्गावर भेगा, खड्डे पडल्याने अपघाताच्या घटनांचे प्रमाण वाढले आहे.