जळकोट येथील बाजार समिती बरखास्त

जळकाेट येथील बाजार समितीसाठी गत पाच वर्षांपूर्वी निवडणूक घेण्यात आली हाेती. निवडणुकीनंतर २० ऑगस्ट २०१५ राेजी सभापती मन्मथप्पा किडे, उपसभापतीपदी बाळासाहेब पाटील यांची निवड करण्यात आली. आता बाजार समिती पाच वर्षे चार महिन्यांच्या कालावधीनंतर बरखास्त करण्यात आली असल्याचे जिल्हा उपनिबंधक समृत जाधव यांनी जाहीर केले आहे.

काँग्रेस आणि राष्ट्रवादी काँग्रेसच्या संचालक मंडळाने येथील बाजार समितीचा पदभार २० ऑगस्ट २०१५ राेजी पदभार स्वीकारला हाेता. दरम्यान, १९ ऑगस्ट २०२० राेजी बाजार समितीचा कालावधी संपुष्टात आला हाेता. त्यानंतर शासनाने परत सहा महिन्यांचा कालावधी मुदतवाढ म्हणून दिला हाेता. मात्र, अचानकपणे दाेन महिने शिल्लक असताना, सदरची बाजार समिती बरखास्त करण्यात आल्याचे जाहीर करण्यात आले आहे. आता येथे सहायक निबंधक ए.एन. वाघमारे यांची प्रशासक म्हणून नियुक्ती करण्यात आली आहे.