पिग्मी एजंटच्या माेटारसायकलची डिकी फाेडून दीड लाखांची राेकड लंपास

याबाबत गांधी चाैक पाेलिस ठाण्यात गुन्हा दाखल करण्यात आला आहे.

लातूर : माेटारसायकलच्या डिक्कीचे लाॅक ताेडून चाेरट्यांनी राेख १ लाख ६० हजार रुपये आणि इतर कागदपत्र लंपास केल्याची घटना लातुरातील कामदार राेड परिसरात दिवसाढवळ्या घडली. याबाबत गांधी चाैक पाेलिस ठाण्यात गुन्हा दाखल करण्यात आला आहे.

पाेलिसांनी सांगितले, फिर्यादी राेहित राजकुमार गंजेवार (वय ३२ रा. संभाजीनगर खाडगाव राेड, लातूर) यांनी आपल्या ताब्यात असलेल्या माेटारसायकलच्या (एमएच २४ बीई ५५७७) डिक्कीत पिग्मीचे पैसे राेख १ लाख ६० हजार रुपये ठेवले हाेते. दरम्यान, त्यांनी आपली माेटारसायकल कामदार राेड येथील दि. पंढरपूर अर्बन काे-ऑपरेटिव्ह बॅक लिमिटेड समाेर थांबवून ते बँकेत गेले हाेते.

दरम्यान,अज्ञात चाेरट्यांनी माेटारसायकलच्या डिक्कीचे लाॅक ताेडून डिक्कीतील राेख १ लाख ६० हजार रुपयांची राेकड पळविली. साेबत फिर्यादीच्या नावे असलेला एक धनादेश चाेरून नेला. ही घटना लातुरात दिवसाढवळ्या ३ एप्रिल राेजी घडली. याबाबत गांधी चाैक पाेलिस ठाण्यात गुन्हा दाखल करण्यता आला आहे. तपास पाेलिस हेड काॅन्स्टेबल गाेसावी करीत आहेत.