वरातीत नवरदेवासमोर नाचू दिले नाही; नातेवाईकास दगड, लाथाबुक्क्यांनी जबर मारहाण

चला...पुढे चला...लग्नाचा मुहूर्त जवळ आला आहे, असे म्हणून नाचणाऱ्या तरुणांना राेखले.

लातूर : लग्नाला उशीर हाेत आहे म्हणून नवरदेवासमाेर नाचणाऱ्या तरुणांना नाचू न देता राेखले. याचा राग मनात धरून दाेघांनी एका ५२ वर्षीय नातेवाइकास लाथाबुक्क्याने, दगडाने मारहाण केल्याची घटना लातूर तालुक्यातील भाेयरा येथे घडली. याबाबत मुरुड पाेलिस ठाण्यात दाेघांविराेधात गुन्हा दाखल करण्यात आला आहे.

पाेलिसांनी सांगितले, फिर्यादी लक्ष्मण मुरलीधर हजारे (वय ५२, रा. भाेयरा, ता. जि. लातूर) यांनी दिलेल्या तक्रारीत म्हटले आहे. भाेयरा येथे लग्नसाेहळा हाेता. दरम्यान, दुपारचे दीड वाजले तरी लग्नमंडपामध्ये नवरदेव काही आला नाही. तिकडे पुराेहित माईकवरून सूचना करत हाेते. चला...चला...लग्नाचा मुहूर्त झाला आहे. यावर काहींनी नवदेव कुठपर्यंत आहे, याची पाहणी केली. नवरदेवाच्या समाेर काही तरुण नाचत हाेते. यावेळी फिर्यादी लक्ष्मण हजारे यांनी नाचणाऱ्या तरुणांना राेखत चला...चला...पुढे चला...लग्नाचा मुहूर्त जवळ आला आहे, असे म्हणून नाचणाऱ्या तरुणांना राेखले. याचा राग मनात धरून प्रथम संपती व्हराडे याच्यासह अन्य एकाने फिर्यादीला लग्न मंडपात बसले असता, दगडाने डाेक्यात मारून जखमी केले. शिवाय, लाथाबुक्क्यांनी मारहाण करून जिवे मारण्याची धमकी दिली.

याबाबत मुरुड पाेलिस ठाण्यात दिलेल्या तक्रारीवरून दाेघांविराेधात गुन्हा दाखल करण्यात आला आहे. तपास पाेलिस हेडकाॅन्स्टेबल शेख करत आहेत.