जिल्ह्यात प्रजासत्ताकदिन उत्साहात साजरा

उदगीर येथील जिल्हा परिषदेच्या मैदानावर मुख्य ध्वजारोहण पाणीपुरवठा व स्वच्छता राज्यमंत्री संजय बनसोडे यांच्या हस्ते झाले. यावेळी उपविभागीय अधिकारी प्रवीण मेंगशेट्टी, तहसीलदार रामेश्वर गोरे, उपविभागीय पोलीस अधिकारी डॅनियल बेन, पालिकेचे मुख्याधिकारी भरत राठोड, पोलीस निरीक्षक नारायण उबाळे, नगराध्यक्ष बसवराज बागबंदे, पंचायत समितीचे सभापती प्रा. शिवाजीराव मुळे, कृषी उत्पन्न बाजार समितीचे सभापती सिद्धेश्वर पाटील, बसवराज पाटील नागराळकर, माजी आमदार गोविंद केंद्रे, तालुका पशुधन अधिकारी सतीश केंद्रे आदी उपस्थित होते.

यावेळी राज्यमंत्री बनसोडे यांनी पोलीस उपनिरीक्षक गजानन पाटील यांना परेड संचलन करण्यास परवानगी दिली. तालुक्यातील सैनिकी शाळा, गृहरक्षक दल, पोलीस दलाने संचलनात सहभाग घेतला. त्यानंतर कोरोना योद्ध्यांचा सत्कार करण्यात आला. तसेच गडचिरोली जिल्ह्यातील नक्षलग्रस्त भागात तीन वर्षे सेवा बजावल्यामुळे पोलीस उपनिरीक्षक गजानन पाटील व पोलीस उपनिरीक्षक पल्लेवाड यांचाही सत्कार करण्यात आला. सूत्रसंचालन अनिता येलमेटे यांनी केले. नायब तहसीलदार संतोष गुट्टे यांनी आभार मानले. यशस्वीतेसाठी नायब तहसीलदार संतोष धाराशिवकर, राजेश बेंबळगे, मंडल अधिकारी शंकर जाधव, गणेश हिवरे, अनिल चव्हाण, तलाठी पंकज कांबळे, अमोल रामशेट्टे, दत्ता मोरे, राहुल आचमे, सत्यकांत थोटे, तोडकर, कवरे आदीनी पुढाकार घेतला.